MONDRAGON LINGUAko Itzulpen Saileko Estrategia eta Garapeneko zuzendariari omenaldia eskaini diote GALAk Monakon egindako nazioarteko biltzarrean
María José Velascori, MONDRAGON LINGUAko Itzulpen Saileko Estrategia eta Garapeneko zuzendariari, omenaldia eskaini diote GALAk Monakon egindako nazioarteko biltzarrean. Omenaldi horretan, María Josék beste lankide batzuen laguntzaz erakundea sortzeko, sustatzeko eta garatzeko egin zuen lana aitortu dute.
GALA, Globalization and Localization Association, irabazi-asmorik gabeko nazioarteko erakundea da, eta bertako kideak hizkuntzaren, itzulpenen eta industria horretarako teknologiaren arloko zerbitzuetan dira adituak.
GALAk toki-komunikazioa sustatzen du, ezinbesteko osagaia delako komunikazio globalari begira. Halaber, talde-lana ere bultzatzen du honako arlo hauetan: itzulpengintza, lekurapena, internazionalizazioa eta globalizazioa.
MONDRAGON LINGUA GALAko kidea da, eta, era berean, omenaldi horrekin ere bat egin nahi du. Hori dela eta, zorionak eman nahi dizkio María Joséri, pertsonen, erakundeen eta instituzioen arteko komunikazioa hobetzeko egindako ahalegin eta lanagatik. ZORIONAK.
Albiste erlazionatuak
LANGUNE, aurrera begira
2024/02/282023a sendotze urtea izan da LANGUNErentzat. Bazkide berriak lortu ditu, lankidetza-hitzarmen bat sinatu du eta hainbat jardunaldi eta ekitaldietan parte hartu du.
Languages Lanean Kongresuak 500 pertsona baino gehiago bildu zituen
2024/02/28LANGUNEk Eusko Jaurlaritzak antolatutako Languages Lanean Kongresuaren idazkaritza teknikoa kudeatu zuen.
Elhuyarrek Europako Parlamentuan aurkeztu du hizkuntza-teknologien eta adimen artifizialaren inguruan egiten duen lana
2024/02/27LANGUNEko bazkideak Europako Parlamentuaren Estrasburgoko egoitzan egin duen agerraldian, Europako beste hizkuntza gutxiagotu batzuen esku jarri du bere esperientzia eta ibilbidea.