@plazaberri Hiztegigintza-arloko zuzendaritza berritu du Euskaltzaindiak
Euskaltzaindiaren Hiztegia, Adierak eta Adibideak egitasmoaren zuzendaritza berritu duela jakinarazi du Euskaltzaindiak.
2013 arte egitasmo horren zuzendari izan den Ibon Sarasolak zuzendaritza uzteko hartu duen erabakia idatziz berretsi ondoren, Euskaltzaindiaren Zuzendaritzak proposatu eta 2014ko urtarrilaren 31n Bilbon eginiko Osoko bilkurak berretsi du egitasmo horren zuzendaritza berriaren osaera.
Andoni Sagarna euskaltzaina izango da aurrerantzean zuzendari berria. Euskaltzaindiaren Lexikoaren Behatokia egitasmoaren zuzendaria da Sagarna, eta Euskaltzaindiaren Hiztegiaren Batzorde Ahaldunduko burua izan da. UZEIko lankide eta zuzendaria ere izana da.
UZEIko Lexikografia Saileko eta Euskaltzaindiaren Hiztegi Batuko lantaldeko buru den Miriam Urkia izango da egitasmoaren arduraduna.
Jose Antonio Aduriz, urte luzez UZEIren Lexikografia Saileko teknikari eta 2013a arte Euskaltzaindiaren Hiztegi Batuko lantaldeko buru izandakoak egitasmo horretako aholkulari-lanetan jardungo du.
Zuzendaritza berriaren ardurapean arituko dira orain arteko lantaldeko teknikariak (Elizabet Kruzeta, Ainhoa Otamendi, Ane Loidi eta Gabriel Fraile).
Albiste erlazionatuak
LANGUNE, aurrera begira
2024/02/282023a sendotze urtea izan da LANGUNErentzat. Bazkide berriak lortu ditu, lankidetza-hitzarmen bat sinatu du eta hainbat jardunaldi eta ekitaldietan parte hartu du.
Languages Lanean Kongresuak 500 pertsona baino gehiago bildu zituen
2024/02/28LANGUNEk Eusko Jaurlaritzak antolatutako Languages Lanean Kongresuaren idazkaritza teknikoa kudeatu zuen.
Elhuyarrek Europako Parlamentuan aurkeztu du hizkuntza-teknologien eta adimen artifizialaren inguruan egiten duen lana
2024/02/27LANGUNEko bazkideak Europako Parlamentuaren Estrasburgoko egoitzan egin duen agerraldian, Europako beste hizkuntza gutxiagotu batzuen esku jarri du bere esperientzia eta ibilbidea.