15 urte Lengoaia Naturalaren Prozesamenduan adituak prestatzen
15 urte bete dira IXA taldeak, UEUrekin batera, 2001ean HIZTEK graduondokoa martxan jarri zuela
UEUk eskaintzen zuen lehendabiziko titulazio ofiziala izan zen, Hizkuntza eta Teknologian adituak trebatzea zen haren helburua. Geroago, 2007. urtean, UPV/EHUko master bihurtu zen, Hizkuntzaren Azterketa eta Prozesamendua izenekoa (HAP/LAP), eta azkenik, 2013. urtetik aurrera Erasmus Mundus Language and Communication Technologies (EMLCT) masterraren parte ere bada.
15 urte hauetan, 100 lagun baino gehiago trebatu dira hizkuntzaren prozesamenduaren arloan. Eta horiei esker jauzi kualitatiboak egin ditugu euskararentzat estrategikoa den arlo honetan.
Adibidez, aurten Madrilen 90 milioi euroko plan bat onartu da: Plan de Impulso de las Tecnologías del Lenguaje. Plan horren helburua hizkuntzaren prozesamendua eta itzulpen automatikoa bultzatzea da estatuko hizkuntza ofizial guztietan. Argi dago: adituak behar dira, bai hizkuntzalaritzan eta bai informatikan.
Gai hauetan aditu izan nahi baduzu, orain duzu aukera berria. Eman izena HAP/LAP edota EMLCT masterrean. Eskaera on-line egin dezakezu
Albiste erlazionatuak
Euskara bezalako baliabide urriko hizkuntzetan adimen artifiziala hobetzeko estrategia eskaini du HiTZ Zentroak
2026/09/23Julen Etxanizen ikertzaileak estrategia ireki bat garatu du baliabide digital gutxiko hizkuntzetara hizkuntza-ereduak egokitzeko.
LANGUNEko bazkideek Adimen Artifizialaren inguruko Euskarabildua jardunaldian parte hartuko dute
2026/09/23Jardunaldia urriaren 27an egingo da Donostiako San Telmo Museoan.
