2016an mintzagai izan diren hitz berriak hautatu ditu UZEIk
2016an albiste izan diren 22 termino eta esamolde berri hautatu ditu UZEIk. Horiekin batera, lehendik ezagunak izan arren aurten protagonismo nabarmena izan duten kontzeptu ezagun batzuk ere jaso ditu 2016ko zerrendan
Urtero egiten du UZEIk horrelako bilketa-lana. Iaz ere, 2015ak utzi zizkigun hitz berri-antzeko batzuk bildu zituen. Haien artean zeuden, esaterako, mozal-lege, Espainiako Diputatuen Kongresuan onartutako legearen harira iaz barra-barra zabaldu zen terminoa.
Albisteak, hitz berrien iturri
Urte osoan zehar UZEIk egunez egun arakatzen ditu komunikabideek plazaratzen dutena: lan hori ezinbestekoa du bere hiztegiak, zuzentzailea eta bestelako baliabideak hitz eta termino berriekin eguneratzeko eta osatzeko.
Behatze-lan horretan detektatutako hitz berri deigarrienak zerrendatzen ditu urte-amaieran.
Beraz, albiste izan diren gertakariei buruz hitz egiterakoan komunikabideetan erabilitako hitzak jaso dira 2016ko zerrendan ere.
Guztira, 22 hitz berri eta 3 zahar
2016ko hitzen zerrenda bere webgunean jarri du UZEIk. Guztira, 22 hitz edo kontzeptu berri dira (eta 3 hitz zahar), urtean zehar jaso diren hurrenkera berean, alegia, kronologikoki antolatuta.
Horrela, zerrendako lehen hitza hoverboard da, iazko Eguberrietan maiz egin omen zen oparia izanik, 2016ko urtarrilean albiste izan baitziren patinete motordun berri horiek eragindako istripuak eta gorabeherak.
Urteko azken hitza, berriz, egia-oste da: Donald Trump Estatu Batuetako presidente hautetsi izanak eta beste hainbat gertakarik hizpide bihurtu dute aurten hitz hori komunikabideetan, eta Oxford hiztegiek ere urteko hitz hautatu dute.
Zerrenda osoa hemen irakur daiteke: http://www.uzei.eus/aurten-ikasi-ditugun-22-hitz-berri-eta-3-hitz-zahar/
Albiste erlazionatuak
PLONECONF Nazioarteko Konferentzia Teknologikoren 20. edizioa CodeSyntaxek antolatu du
2023/10/04Oraingoan, ekitaldia Euskal Herrira ekartzea lortu da eta LANGUNEKO bazkide den CodeSyntax enpresak antolatu du.
Langunek aurrera begirako lan-lerroak aurkeztu ditu Gaia-ko Batzak Orokorrean
2023/06/12Pasa den ekainaren 1ean GAIA Euskadiko Teknologia Elektronikoen eta Informazioaren Industrien Elkarteak 40. urteurrena ospatu zuen eta egun berean, urteko Batzar Orokorra egin zuen. Bertan bildu ziren enpresa bazkideetako ordezkariak eta GAIAk gaur egun bere barnean biltzen dituen bestelako elkarteetako partaideak, horien artean LANGUNE.
bai&by, LANGUNEko bazkide berria
2023/05/09Euskara eta ingelesa ikasteko merkatuan dagoen sistema adimendun bakarra.