Adimen Artifizialeko erakusle aurreratuei buruzko informazio-saioa, ALIA proiektuaren esparruan

Abenduaren 10ean, LANGUNE eta HiTZ Zentroak ALIA proiekturako Lengoaia eta Adimen Artifizialeko ereduen erakusle aurreratuen garapenari buruzko informazio-saioa antolatu zuten EHUren Ibaetako Campusean.

HiTZ eta LANGUNEk ALIA proiektuaren helburu nagusiak; ILENIA proiektuaren eragin handiko erabilera kasuen txostena eta prototipoak; eta 5. ekimena: AA Faktoriak, prototipoak eta erakusleak aurkeztu zituzten.

Ondoren, ILENIAren esparruan sortutako prototipoen hainbat adibide erakutsi ziren, teknologia horiek industria- eta hizkuntza-eremuan duten ahalmenaren ikuspegi praktikoa emanez. ALIA programaren baitan demostradore berriak egiteko aukera egongo da.

ALIA, gaztelania eta hizkuntza koofizialetarako AA azpiegitura publikoa
ALIA Europar Batasuneko ekimen aitzindaria da, eta hizkuntza-eredu ireki eta gardenak bezalako adimen artifizialeko (AA) baliabideen azpiegitura publikoa eskaintzea du helburu. Horren bitartez, gaztelaniaren eta beste hizkuntza ofizialen -katalana, valentziera, euskara eta galiziera- bultzada sustatu nahi du AA munduan zehar garatzeko eta hedatzeko prozesuan. Haren helburua da baliabide eta zerbitzu teknologiko berritzaileen belaunaldi berri bat sortzea, gaztelaniaren ondare linguistiko izugarriak eta beste hizkuntza ofizialek aberastua.