Ekitaldi kulturaletako hizkuntza kudeaketa ikertu eta hobetzeko erantzun berritzaileak
Langunek ekitaldi kulturaletako hizkuntza kudeaketa ikertu eta hobetzeko erantzun berritzaileak eskainiko ditu. Euskal Herria oso aberatsa da ekitaldi kulturaletan, gizarte eleanitza izanik, ekitaldi hauek hizkuntza kudeaketa indartsu bat behar dute, eta beraien aurrekontuaren zati handi bat alor horretara dago zuzenduta.
Gauzak horrela, eta ikusita bizi garen gizarte eleanitzean gero eta behar handiagoak sortuko dituela hizkuntzen kudeaketak, Langunek, Hizkuntzen Industrien Elkartea Euskal Herrian, proiektu bat jarri du martxan, kultur ekitaldiak ardatz hartuz, hizkuntz alorrean dauden beharrak aztertu eta hauei erantzun berritzaile bat emateko asmoz.
Proiektuan, Languneren kide diren hainbat erakundek hartuko dute parte, Artez, EHU (Ixa Taldearen bidez), Elhuyar, Emun, Iametza, maramara* taldea, Mondragon Lingua eta UZEI. Elkarlanetik, erantzun indartsu bat emango diogu, hizkuntzen kudeaketak suposatzen duen erronkari.
Proiektua Gipuzkoako Foru Aldundiak argitaratu zuen Etorkizuna Eraikiz Gipuzkoa Taldean diru laguntzen deialdira aurkeztu genuen, eta hauen oniritzia jasota, eta diru laguntza onartuta, ilusio handiz saiatuko gara azken emaitza eraginkor bat lortzen.
Albiste erlazionatuak
LANGUNE BDCC Ostegunetan
2023/11/15Euskadiko Kultura eta Sormen Industrietan (KSI) euskarazko hizkuntza-teknologiak ezartzeari buruz hitz egingo da eta LANGUNEKo hainbat bazkidek parte hartuko dute.
ELAYk hizkuntza kudeaketan izandako esperientzia azaldu zuen LANGUNEren Batzar Orokorrean
2023/10/25Elay Groupeko Imanol Iparragirrek hizkuntza kudeaketaren inguruko hitzaldia eskaini zien bazkideei.
ASKHEZI proiektuak bi diru-laguntza jaso ditu
2023/10/25Ezgaitasunak dituzten ikasleek ahots diktaketako zuzenketak ahotsez egin ahal izateko erabiliko dira.