@Elhuyarhz Hiztegi Automatikoak atariaren aurkezpena
Elhuyarrek sortu eta gizartearen eskura jarri duen Hiztegi Automatikoak atariaren aurkezpena ekainaren 18an egingo dugu, goizeko 11:30ean, Donostiako Koldo Mitxelena Kulturunean (Urdaneta kalea, 9)
Elhuyarrek automatikoki sortutako bost hiztegi biltzen dituen atari bat sortu du, Hiztegi Automatikoak izenekoa, eta erabiltzaileentzat eskuragarri jarri du. Hiztegi horiek alemaniera, hindi, arabiera, txinera eta swahiliarekin lotzen dute euskara, hizkuntza-teknologiak baliatuta. Kasu guztietan, ingelesa erabili da zubi gisa, hizkuntza-bikote horiek elkarrekin erlazionatzeko. Horrela, euskara munduan hiztun gehien dituzten hizkuntzekin lotzea lortu da, eta orain arte existitzen ez ziren zenbait hiztegi elebidun sortu dira, euskara eta hizkuntza horien artean.
Aurkezpenean, Josu Aztiria Elhuyar Hizkuntza eta Teknologia unitateko arduradunak eta Iker Manterola Elhuyarreko I+G unitateko ikertzaileak eta proiektu honetako arduradunak parte hartuko dute.
Etortzekoa bazara, baieztatzea eskertuko genizuke, 943 36 30 40 telefonora deituz (Rakel López) edota r.lopez@elhuyar.com helbidera mezu bat igorriz.
http://elhuyarfundazioa.createsend1.com/t/ViewEmail/r/2E1B6233AE7064B22540EF23F30FEDED/E009077AE0849D22419C69E1CEBE89F9
Albiste erlazionatuak
Ekosistema teknologiko eta industriala Bilbon elkartu dira, adimen artifizial burujabe baterantz aurrera egiteko
2026/04/23ALIA Foroak adimen artifizialaren aukerak, azpiegitura publikoak eta horiek industrian ezartzeko ekimen estrategikoak hurbildu dizkie enpresa eta erakundeei.
ALIA proiektua aurkeztu da Euskadin, AAren Europako lehen azpiegitura publiko irekia eta eleanitza
2026/03/23Jardunaldia, LANGUNEk, GAIA Klusterrak eta Hitz Zentroak antolatu dute elkarlanean.
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.