Hizkuntza Teknologien eragin handiko erabilera kasuak

Adimen artifizialetik eta hizkuntza naturalaren prozesamendutik abiatutako hizkuntza teknologiak azken hamarkadetan nabarmen garatu dira hainbat aplikazio ahalbidetuz: itzulpen automatikoa, ahotsaren ezagutza eta sintesia, ChatGPT bezalako hizkuntza eredu handiek dakarten testuen analisia eta sorkuntza, eta beste hainbat. Teknologia horiek jada erabiltzen ditugu gure egunerokoan, eremu pertsonalean zein profesionalean, baina hizkuntzen kudeaketa desegoki batek gizarte honetako hizkuntza aniztasuna ikusezin egiten du, eta horregatik, ILENIA proiektuak Espainiako estatuko hizkuntzetan aplikazio eleanitzak garatzeko helburua du.

Langune, Emun eta HITZ zentroa (Hizkuntza teknologien euskal zentroa) ILENIA, Espainiako estatuko hizkuntzetan aplikazio eleanitzak garatzeko helburua duen egitasmoaren baitan garatzen ari garen proiektuan hausnarketarako gune bat ireki nahi dugu galdetegi baten bidez. ILENIA proiektuaren azpilan bat da honakoa, eta helburua da hizkuntza teknologiaren arloan eragin handia duten erabilera-kasuak identifikatu eta garatzea. Besteak beste, testu, ahots eta itzultzaile neuronalen teknologiak eta horien konbinazioak eginez aplikazio berritzaileak identifikatu, aztertu eta bultzatuko dira.

• Zertarako: Hizkuntza teknologia horien bidez, gizarteak, sektore industrialak edo beste sektoreek izan ditzaketen inpaktu sozioekonomiko handiko erabilera-kasuak identifikatzeko. Gaur egun jada egiten dena jasotzeko, eta, horietatik abiatuta, hedagarri diren eremu edo erabilera berriak antzemateko.
• Nola: Galdera itxi eta irekien bidez. Guztiz anonimoa da eta azterlan honetarako baliatuko da soilik. Egun baliatzen ditugun erabileratik abiatuta, etorkizuneko erabilera esparru berriak irudikatzea da asmoa.
• Zer: Azterlan bat abiatu da eta galdetegi hau hainbat  sektoretako eragileak entzuteko kanal bat izango da. Azterlanaren emaitza publikoa izango den txosten batean jasoko da.

• Galdetegia betetzeko epea: maiatzak 27

Hizkuntza teknologien industriari zuzendutako galdetegia

Industria eta zerbitzu enpresei zuzendutako galdetegia

Hezkuntzari zuzendutako galdetegia