Itzulpengintza automatiko neuronala

2017/05/19

Ikerketa-jardunaldi irekia Kyunghyun Cho adituarekin

Itzulpengintza automatikoaren hirugarren belaunaldia garatzen ari da. Garai batean erregela linguistikoetan oinarritutako sistemak ziren nagusi (RBMT teknologia), azken hamarkadan, berriz, estatistikan oinarritutako sistemak gailentzen joan dira (SMT teknologia), eta azken bi urtetan neurona-sareetan oinarritutako sistemek hobekuntza kualitatiboak lortzen ari dira (NMT teknologia), teknologia hau ikergai nagusia bihurtuz itzulpengintza automatikoaren arloan. Jardunaldi honetan teknologia horren azken aurrerapenak aurkeztu nahi ditugu, euskararen gainean lortu ditugun emaitzak barne.

Testuingurua: NMT teknologian ikertzea eta, are gehiago, erronka handia den euskararen itzulpen automatiko onargarrira iristea da Modela proiektuaren helburua. Modela proiektua Eusko Jaurlaritzak finantzatzen du eta honako erakundeak dira partaideak: Ametzagaiña, Elhuyar, ISEA, UPV/EHUko Ixa taldea eta Vicomtech/IK4.

Gonbidatua: jardunaldi honen gonbidatu nagusia Kyunghyun Cho (New York University) ikerlari ezaguna da. NMT arloan aditu ezagunenetako bat da (https://labur.eus/G3MT4), Google saria jaso du gai horretan eta hizlari bikaina ere bada (https://labur.eus/g0fAi)

Noiz: 2017ko maiatzaren 29, goizeko 11.00etan

Non: UPV/EHUko Informatika Fakultatea, Lardizabal 1, 20018 Donostia (https://labur.eus/2g0G9)

 

Hizkuntza: ingelesa

Programa:

* 11.00-11.15: Sarrera eta proiektuaren aurkezpena

* 11.15-12.30: NMT (Kyunghyun Cho)

* 12.30-13.15: Modela proiektuaren lehen emaitzak

Babesleak: Modela proiektua eta UPV/EHUko Gipuzkoako errektoreordetza

 

Albiste erlazionatuak

PLONECONF Nazioarteko Konferentzia Teknologikoren 20. edizioa CodeSyntaxek antolatu du

2023/10/04

Oraingoan, ekitaldia Euskal Herrira ekartzea lortu da eta LANGUNEKO bazkide den CodeSyntax enpresak antolatu du.

Langunek aurrera begirako lan-lerroak aurkeztu ditu Gaia-ko Batzak Orokorrean

2023/06/12

Pasa den ekainaren 1ean GAIA Euskadiko Teknologia Elektronikoen eta Informazioaren Industrien Elkarteak 40. urteurrena ospatu zuen eta egun berean, urteko Batzar Orokorra egin zuen. Bertan bildu ziren enpresa bazkideetako ordezkariak eta GAIAk gaur egun bere barnean biltzen dituen bestelako elkarteetako partaideak, horien artean LANGUNE.

bai&by, LANGUNEko bazkide berria

2023/05/09

Euskara eta ingelesa ikasteko merkatuan dagoen sistema adimendun bakarra.