Lohitzune Txarola “Metro gutxitan hizkuntza teknologia garatzen duten hainbat erakunde egoteak Langune sortzea erraztu du”

2022/06/13

Languneko zuzendariak ‘Hizkuntzaren Ekonomia Berriko Trantsizio Digital Eleaniztunari’ buruzko jardunaldian parte hartu zuen.

Card image cap

Donostiako Miramar Jauregian ‘Hizkuntzaren Ekonomia Berriko Trantsizio Digital Eleaniztunari’ buruzko jardunaldia egin zen ekainaren 1ean. Ekitaldia SEPLN Hizkuntza Naturala Prozesatzeko Espainiako Elkarteak, Eusko Jaurlaritzako Kultura Sailaren eta UPV/EHUko HiTZ zentroaren laguntzarekin antolatu zuen eta ehun pertsona inguru bildu zituen.

Languneko zuzendariak, Lohitzune Txarolak, Hizkuntzaren Industriari buruzko mahai inguruan parte hartu zuen Diego Vazquezekin (imaxin | software), Celia Sanchezekin (1MillionBot) eta Eudald Camprudikekin (Nuclia) batera.

Honen inguruan Langunek hizkuntza naturalaren prozesamenduaren esparruan Euskadin dagoen potentziala nabarmendu zuen. “Oso metro gutxitan teknologia garatzen duten hainbat erakunde ditugu eta horrek LANGUNE bezalako elkartea sortzea erraztu du. Europan leku gutxi daude potentzial honekin, eta hori aprobetxatu egin behar dugu. PERTEak palanka bat izan behar du lehen mailako ekosistema teknologiko bat sortzeko eta Euskadin hori egiteko prest gaude”, azaleratu zuen Lohitzune Txarolak.

Languneko zuzendariak hizkuntza teknologiaren alorrean Euskadik duen lehiarako abantaila ere azpimarratu zuen mahai-inguruan: “Euskadin,  urteak daramatzagu elebitasunean bizitzen arlo publikoan zein pribatuan. Horrek irtenbide ezberdinak probatzera eta esperimentatzera eraman gaitu. Adibidez, itzulpenak administrazioari dakarkion gastuak, itzulpen-sistemen garapena bultzatu du, eta aurrera eginarazi digu zentzu horretan”.

Txarolak bere parte hartzea amaitu zuen gogoraraziz hizkuntza industriako enpresak gai direla euren teknologia sortzeko: “Ez gara teknologiako enpresa laguntzaileak, teknologia eta gailu adimendunak fabrikatzen ditugun enpresak gara eta hau barneratu beharreko indar-ideia da”.

Albiste erlazionatuak

Jasone Aretxabaleta eta Siobhán Ní Ghadhra: hizkuntza gutxituak, lehiakortasuna eta industria, Europako agertokian

2026/11/13

Dublinen egindako SME & Cluster Assembly kongresuan, hizkuntza gutxituek lehen aldiz izan zuten protagonismoa, euskarak eta irlanderak enpresen lehiakortasunari eta berrikuntzari egin diezazkieketen ekarpenak aztertzeko. Dublingo esperientzia abiapuntu hartuta, Aretxabaletarekin eta Údarás na Gaeltachta agentziako presidente Siobhán Ni Ghadhrarekin hitz egin dugu proposamenaren sorreraz, kongresura iristeko egindako bideaz eta euskarak eta irlanderak Europako industria- eta enpresa-munduan izan dezaketen paperaz.

Adimen artifiziala, enpresen motor berria: lana eraldatu egiten da

2026/10/26

AAk produktibitatea handitzeko eta lanbide berriak sortzeko aukerak eskaintzen ditu. CONETICen azterketak argi uzten du erronka nagusietako bat langileak prestatzea eta teknologia bermeekin erabiltzea dela.

Euskara bezalako baliabide urriko hizkuntzetan adimen artifiziala hobetzeko estrategia eskaini du HiTZ Zentroak

2026/09/23

Julen Etxanizen ikertzaileak estrategia ireki bat garatu du baliabide digital gutxiko hizkuntzetara hizkuntza-ereduak egokitzeko.