Elhuyarrek itzulpengintza eta teknologiaren inguruko tailerra antolatu du UIK-en
Bi egunetako tailerrak teknologia berrienek itzulpengintzako sektorean izaten ari diren eragina aztertuko du.
Adimen artifiziala boladan dago, eta horrek egungo bizitzako hainbat eremutan du eragina, besteak beste, gizartean eta merkatuan. Gizartean ematen ari den eraldaketak inpaktu zuzena du merkatuan eta kontsumitzeko ditugun moldeetan; eraldaketa horrek eragin zuzena izan du itzulpengintzako sektorean.
Elhuyarrek, teknologia berrienek itzulpengintzako sektorean izaten ari diren eragina aztertuko du 'Itzulpengintza eta teknologia: aurrera eskuz esku, aurrera aurrez aurre' EHU-ko Uda Ikastaroan, bai gizartearen eraldaketaren ikuspuntutik (itzulpengintzako sektoreari buruzko pertzepzioa zein den gizartean), bai adimen artifizialeko azken sistemek sektorean bertan, zerbitzu emateko moduan eta ikerketak garatzeko moduan, izan duen aldaketatik. Itziar Cortés Etxabe, Elhuyarreko Hizkuntza eta Teknologia unitateko koordinatzailea, ikastaroa zuzenduko du.
Tailerra uztailaren 17an eta 18an egingo da Bilbon eta joateko aldez aurretik izena eman behar da.
Albiste erlazionatuak
Mugaz gaindiko komunikazio eleanitzari buruzko uda-ikastaroa
2025/04/11Komunikazio eleanitzari buruzko mugaz gaindiko udako ikastaroa izango da 2025eko uztailaren 2an Baionako Arteen Hirian.
Hizkuntza teknologien inpaktu handiko erabilera-kasuen azterketa aurkeztu du LANGUNEk
2025/04/08Euskal Herriko Unibertsitateko (UPV/EHU) Hitz Hizkuntza Teknologiako Euskal Zentroak, EMUN kooperatibarekin eta Langunerekin lankidetzan hizkuntza teknologietan inpaktu handiko erabilera-kasuak identifikatzea helburu izan duen azterketa burutu du.
