ASKHEZI proiektuak bi diru-laguntza jaso ditu
Ezgaitasunak dituzten ikasleek ahots diktaketako zuzenketak ahotsez egin ahal izateko erabiliko dira.
Ikastolen Elkarteak, Seaskako Integrazio Batzordeak eta Sortzen Elkarteak, Languneren aholkularitzarekin batera, eta Orai NLPren gaitasun teknologikoari esker, ASKHEZI proiektua jarri zuten martxan aurreko urtean. ASKHEZI ezgaitasunak dituzten haurren euskarazko ikasketa prozesuan oso baliagarria izango den euskarazko ahots diktaketako sistema bat garatzeko proiektua da. Proiektuak bi diru-laguntza jaso ditu aurten:
“Euroeskualdeko hiritartasuna” proiektu-deialdiaren diru-laguntza jaso du bigarrenez ‘Giza-erronka garaikideak’ gaiaren barruan. Euroeskualdeko gobernu-kideek lankidetza ardatz duten 20 proiektu hautatu dituzte eta ASKHEZI deialdi osoko notarik altuena atera du.
Proiektuak ere Adimen Artifizial Aplikatua 2023 diru-laguntza jaso du. Programa honen helburua EAEko enpresetan IAren erabileran oinarritutako proiektuak babestea da, euskal enpresei lehiakortasuna areagotzeko tresnak emateko.
Bi diru-laguntza hauek ezgaitasunak dituzten ikasleek ahots diktaketako zuzenketak ahotsez egin ahal izateko erabiliko dira. Proiektua oraindik ebaluazio fasean dago.
Albiste erlazionatuak
Gipuzkoako Bazkundeak 2024ko Gipuzkoako Enpresa saria eman dio MLAKoop kooperatibari
2024/04/24Ganbara-erakundeak 2024ko zerbitzu-enpresa saria eman dio LANGUNEko bazkidea den MLAKoop kooperatibari
LANGUNE, aurrera begira
2024/02/282023a sendotze urtea izan da LANGUNErentzat. Bazkide berriak lortu ditu, lankidetza-hitzarmen bat sinatu du eta hainbat jardunaldi eta ekitaldietan parte hartu du.
Languages Lanean Kongresuak 500 pertsona baino gehiago bildu zituen
2024/02/28LANGUNEk Eusko Jaurlaritzak antolatutako Languages Lanean Kongresuaren idazkaritza teknikoa kudeatu zuen.