bai&by Fundazioak ingelesa modu inklusiboan irakasteko proiektu pilotu berria abiatu du
Pilotuak 6 hilabete iraungo du eta adimen-desgaitasun maila ezberdina duten 50 ikaslek parte hartuko dute.
Adimen-desgaitasuna edo dibertsitate funtzionala duten pertsona askorentzat, bigarren edo hirugarren hizkuntza bat ikastea oso zaila izan da beti.
Duela bi urte, LANGUNEko bazkide den bai&by Fundazioak, euskara irakasteko duen sistema adimen-desgaitasuna duten pertsonentzat egokitzeko proiektua egin zuen emaitza zirraragarriekin.
Euskarazko ereduaren eraginkortasuna egiaztatu ondoren, erronka berri bati heldu diote: gauza bera egitea ingelesarekin. Ingelesa, askotan, adimen-desgaitasuna duten pertsonentzat ikasgai gaindiezina edo ikasgai zailena da, bere fonetika eta egitura direla eta.
Orain proiektu pilotu berri bat hasi dute Plena Inclusión, adimen- eta garapen-desgaitasuna duten pertsonen eta haien familien eskubideak zaintzen dituen erreferentziazko erakundearekin elkarlanean. 6 hilabete iraungo du pilotuak eta, bertan, adimen-desgaitasun maila ezberdina duten 50 ikaslek parte hartuko dute. bai&by-ren ingelesezko aplikazioaren egokitzapena baliozkotzea da helburua, funtzionalitate guztiek irisgarritasun kognitiboko beharrekin bat datozela ziurtatuz.
Adimen- edo garapen-desgaitasuna duten pertsonentzako ingeles proiektu irisgarriari buruzko informazio gehiago.
Albiste erlazionatuak
ALIA proiektua aurkeztu da Euskadin, AAren Europako lehen azpiegitura publiko irekia eta eleanitza
2026/03/23Jardunaldia, LANGUNEk, GAIA Klusterrak eta Hitz Zentroak antolatu dute elkarlanean.
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.
Aldundiak Hitz Zentroaren eta Euskorporaren esku jarriko ditu bere testu eta eduki corpusak
2026/02/02Helburua da euskara adimen artifizialeko teknologietan integratzea.