Ekitaldi kulturalen hizkuntza kudeaketak Kultura Ministerioko diru laguntza lortu du

2020/10/20

Langunetik ekitaldi kulturalen hizkuntza kudeaketa hobetzeko garatzen ari den proiektuak Kultura Ministerioko modernizaziorako diru laguntza lortu du.

Card image cap

2020 urte honetan, Langune ekitaldi kulturaletako hizkuntza kudeaketa hobetzeko proiektua garatzen ari da, aurrekoan zehaztu bezala. Proiektua garatu ahal izateko, eta ahalik eta arazo gehien konpontzeko ahalmena izan dezan, proiektua hainbat instituzioetako diru laguntzetara aurkeztu da. Haien artean, Kultura Ministerioak, kultura eta sormen industriak modernizatzeko eta berritzeko, proiektu digital eta teknologikoen bidez, duen diru laguntza.

Diru Laguntzara 850 bat proeiktu aurkeztu ziren, eta horietatik onartutako 84 proiektuetako bat gurea izan da, erakutsiz zein garrantzitsua den duela hilabete batzuk prestatu genuen ideia. 2020an garatzen hasitako proiektu honek bere bidea hasi du, eta lehen emaitza batzuk 2021eko martxoan aurkeztea espero dugu. 

Albiste erlazionatuak

Euskarabildua jardunaldiak datuen zaintza eta pandemiak eragindako egoeran teknologia burujabetzak egin ditzakeen ekarpenak izango ditu hizpide

2020/10/27

Urriaren 29an izango da Donostiako San Telmo Museotik eta online bidez jarraitu ahalko da azkenean. “Datuen izurria. Zer ari da gertatzen gure pribatutasunarekin pandemia garaian?” da aurtengo edizioaren izenburua. Bere momentuan modu presentzialean burutzeko intentzioa bazegoen ere egoerak eraman du aldaketara. Jardunaldia bere osotasunean eskaintzeko helburuarekin, izena eman dutenei egunean bertan banatuko zen karpeta eta jardunaldiaren material osagarria etxean jasotzeko aukera emango zaie eta material honetan egongo dira ikusgai laguntzaileak.

Lacunzak eta Mondragon Linguak KSI Berritzaile programan parte hartuko dute

2020/09/24

KSI Berritzaile programaren barruan proiektu bat aurkeztu dute Lacunzak eta Mondragon Linguak Vicomtech-ekin batera lantzeko. LANGUNEko hiru kideak, online kurtsoak hobetuko dituen sistema bat jarri nahi dute martxan.

Ekitaldi kulturaletako hizkuntza kudeaketa ikertu eta hobetzeko erantzun berritzaileak

2020/09/01

Langunek ekitaldi kulturaletako hizkuntza kudeaketa ikertu eta hobetzeko erantzun berritzaileak eskainiko ditu. Euskal Herria oso aberatsa da ekitaldi kulturaletan, gizarte eleanitza izanik, ekitaldi hauek hizkuntza kudeaketa indartsu bat behar dute, eta beraien aurrekontuaren zati handi bat alor horretara dago zuzenduta.