Emun batez beste urteko %5 hazi da amaitzear duen ziklo estrategikoan

2016/11/16

Olatz Olaso, Emuneko zuzendari orokorrak nabarmendu du 2020ra bitartean Emunen pertsona berritzaile eta ekintzaileak beharko ditugula eta azpimarratu du, taldearen indarra eta inplikazioa ezinbestekoa izango direla eskuartean ditugun erronkei aurre egiteko

Olasok 2017-2020ko Plan Estrategikoa aurkeztu du gaur Garaia Berrikuntza Gunean. Ez ohiko Batzar Orokorra egin dugu hurrengo epealdi estrategikoko erronkak kooperatibako bazkideek onar ditzagun.

Ziurgabetasuna izan da ekonomiaren azken urteetako ezaugarri nagusia. Emunen 2013-2016 ziklo estrategikoa irudikatu genuenetik asko aldatu da gertuko eta urrutiagoko errealitatea, eta, beraz, Emunek ere bere ikuspegia egokitu behar izan du errealitate berri honetara. Era honetan, urte ziurgabe hauek emaitza positiboarekin amaitzea lortu dugu, urteko fakturazioa batez beste %5 haztea lortu baitugu.  Zailtasunei aurre egin diegu eta aurrera begira ere, iraunkortasunaren bidean sakontzen jarraituko dugu, sortzen dugun balio erantsia bereziki zainduz.

Emunen bere apustua gaurkotu eta indarberrituta lan egin nahi dugu. Arazo sozialen aurrean gizarte osoarentzako balioa sortzen duten irtenbide berriak eta egungoak baino eraginkorragoak, iraunkorragoak eta bidezkoagoak eman nahi ditugu. Eta hori lortzeko, honako hauek izango dira lan ildo nagusiak: Emun iraunkorra, gizarte eraldaketa, erantzun berritzaileak, bezero gogobete eta leialak, pertsona ekintzaile eta motibatuak.

Amaitzeko, Emunek eraldaketarako subjektu aktiboa izaten jarraitu nahi du. Bere negozioen bidez, erakundeak eta gizartea eraldatzen dihardugu. Halaber, Emunetzat kezka diren eta gizartean erronka diren beste alderdi batzuetan ere pertsonen inplikazioa handitzeko ekintza kolektiboa garatzen parte hartuko dugu, bereziki bazkideekin eta aliatuekin elkarlanean jardunez.

http://www.emun.eus/albisteak/emun-batez-beste-urteko-5-hazi-da-amaitzear-duen-ziklo-estrategikoan/

Albiste erlazionatuak

GAIArekin bat egitea onartu du LANGUNEk bere Ohiko Batzar Nagusian

2022/06/21

2022ko Batzar Nagusia gauzatu zuen ostiralean, ekainaren 17an, bazkide duen Vircomtech-en egoitzan.

Lohitzune Txarola “Metro gutxitan hizkuntza teknologia garatzen duten hainbat erakunde egoteak Langune sortzea erraztu du”

2022/06/13

Languneko zuzendariak ‘Hizkuntzaren Ekonomia Berriko Trantsizio Digital Eleaniztunari’ buruzko jardunaldian parte hartu zuen.

Alberto Gorroñogoitia: “Mondragon Lingua eta Alecop enpresen arteko fusioa elkarlanaren adibide bikaina da”

2022/06/09

Urte eta erdiko prozesuaren ondoren, joan den maiatzaren 31ean, Mondragon Lingua eta Alecopeko Batzar Nagusiek gehiengo zabalarekin onartu zuten bi kooperatibek bat egitea.