Emun eta Elhuyar bazkideek urteurrenak ospatu dituzte aurten
Emun kooperatibak mende laurdena bete du eta Elhuyarrek berrogeita hamar
2022a Emunen 25. urteurrena eta Elhuyarren 50.a ospatzeko urtea izan da. Languneren bi bazkideek ekitaldi desberdinak egin dituzte urtean zehar.
Emun kooperatibak bere 25.urteurrena ospatzeko ‘Eraldaketan jardunaldiak. Zalantzari leiho bat’ izenburupean hiru hausnartze saio antolatu zituen: maiatzean 'Aniztasuna enpresan'; ekainean 'Elkarlanaren gobernantza' eta urrian ‘Norbere baitan hasten da eraldaketa’. Hirugarren saio hau mende laurdena ospatzeko ekitaldiarekin batera egin zen Arrasaten bertaratu ziren emunkideekin.
Elhuyarrek, bere partetik, hainbat ekimen antolatu ditu urtean zehar: solasaldiak, hitzaldiak, zientzia azoka, ikastaroak... Esanguratsuena maiatzean egindako Orai NLP Teknologiak langunearen aurkezpena izan zen. Honekin, Elhuyarrek Lengoaia Naturalaren Prozesamenduko (NLP) goi-mailako ikerketan eta soluzio teknologiko adimendunetan espezializatuko zentroa martxan jarri zuen. Urteurrenari amaiera eman zioten azaroak 10eko ekitaldi nagusiarekin, Kursaalen, Elhuyarren lankide, bazkide, babesle, bezero eta lagunekin batera.
Albiste erlazionatuak
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.
bai&by Fundazioak ingelesa modu inklusiboan irakasteko proiektu pilotu berria abiatu du
2026/02/13Pilotuak 6 hilabete iraungo du eta adimen-desgaitasun maila ezberdina duten 50 ikaslek parte hartuko dute.
Aldundiak Hitz Zentroaren eta Euskorporaren esku jarriko ditu bere testu eta eduki corpusak
2026/02/02Helburua da euskara adimen artifizialeko teknologietan integratzea.