Finantza Entitateak eta HPSren hitzarmenaren baitan idazkaritza teknikoarekin jarraituko du Langunek 2025ean ere
Finantza Entitateek Eusko Jaurlaritzako Hizkuntza Politika Sailarekin duten hitzarmenaren baitan, Langune idazkaritza teknikoaren jardunean arituko da 2025. urtean ere. Proiektuaren baitan antolatutako aurtengo lehen ekimena, ETEKIN Ekonomia Topaketa zikloaren lehenengo saioa izan da.
ETEKIN topaketak, ekonomia eta finantza gaien hausnarketa sustatzeko eta sare profesionala indartzeko sortutako Ekonomia Topaketak dira. Urtean hiru saio antolatzen dira eta aurtengoa ekimenaren bigarren edizioa da. Jardunaldi bakoitzean, sektoreko hizlari adituek hartzen dute parte gaurkotasunezko gai desberdin bati buruz solasteko. Lehenbiziko saioa martxoaren 26an ospatu zen Donostiako Aquariumean. Bertan, Andres Arizkorreta (CAF), Unai Andueza (Gipuzkoako Foru Aldundia) eta Lander Beloki (Mondragon Unibertsitatea) talentua erakartzeko gakoei buruz aritu ziren solasean.
Topaketen hurrengo saioak ekainaren 18an Gasteizen eta urriaren 22an Bilbon izango dira.
Albiste erlazionatuak
Mugaz gaindiko komunikazio eleanitzari buruzko uda-ikastaroa
2025/04/11Komunikazio eleanitzari buruzko mugaz gaindiko udako ikastaroa izango da 2025eko uztailaren 2an Baionako Arteen Hirian.
Hizkuntza teknologien inpaktu handiko erabilera-kasuen azterketa aurkeztu du LANGUNEk
2025/04/08Euskal Herriko Unibertsitateko (UPV/EHU) Hitz Hizkuntza Teknologiako Euskal Zentroak, EMUN kooperatibarekin eta Langunerekin lankidetzan hizkuntza teknologietan inpaktu handiko erabilera-kasuak identifikatzea helburu izan duen azterketa burutu du.
