Hizkuntza teknologien inpaktu handiko erabilera-kasuen azterketa aurkeztu du LANGUNEk
Euskal Herriko Unibertsitateko (UPV/EHU) Hitz Hizkuntza Teknologiako Euskal Zentroak, EMUN kooperatibarekin eta Langunerekin lankidetzan hizkuntza teknologietan inpaktu handiko erabilera-kasuak identifikatzea helburu izan duen azterketa burutu du.
Azterketa hau ILENIA proiektuaren baitan kokatzen da. Ileniaren helburua da Espainiako hizkuntza ofizialek adimen artifizialaren aplikazio aurreratuenetan txertatzeko beharrezkoak diren hizkuntza baliabideak garatzea.
Horregatik LANGUNE partaide izan den azterlanean hizkuntzaren industrian eragin handiko erabilera kasuak eta aplikazio berritzaileak identifikatu nahi izan dira. Horretarako 17 banakako edo talde-elkarrizketa egin dira; hainbat profil hartu dira kontuan eta 30 erreferentziazko pertsonen testigantzak jaso dira. Horretaz gain, bidalitako galdetegiari erantzun dioten ia 300 pertsonen iritziak jaso dira.
Azterlanaren emaitzak apirilaren 8an Donostiako EHUren kanpusean egindako informazio saio batean aurkeztu ditu LANGUNEk EMUNekin batera, Languneko eta GAIA taldeko hainbat enpresa eta erakundetako ordezkarien aurrean.
Datozen hilabetetan ILENIA proiektuaren baitan sortutako hizkuntza ereduak erabiliz, demostratzaile desberdinak egingo dituzte aukeratutako erakundeek. Helburua da urte amaieran, proiektuaren emaitzak eta demostratzaileak saio ireki batean aurkeztea.
Albiste erlazionatuak
Mugaz gaindiko komunikazio eleanitzari buruzko uda-ikastaroa
2025/04/11Komunikazio eleanitzari buruzko mugaz gaindiko udako ikastaroa izango da 2025eko uztailaren 2an Baionako Arteen Hirian.
Finantza Entitateak eta HPSren hitzarmenaren baitan idazkaritza teknikoarekin jarraituko du Langunek 2025ean ere
2025/04/08Finantza Entitateek Eusko Jaurlaritzako Hizkuntza Politika Sailarekin duten hitzarmenaren baitan, Langune idazkaritza teknikoaren jardunean arituko da 2025. urtean ere. Proiektuaren baitan antolatutako aurtengo lehen ekimena, ETEKIN Ekonomia Topaketa zikloaren lehenengo saioa izan da.