Instalatu doan UZEIren Sinonimoen Hiztegiaren plugin-a Microsoft Word-en edota LibreOffice/OpenOffice-n

2013/03/07

UZEIren Sinonimoen Hiztegia testu-tratamendurako programa ohikoenetan erraz erabil daiteke, horretarako prestatutako doako plugin-a deskargatuz gero

Hiztegiaren edukia Euskaltzaindiaren arauen argitan berrikusita eta osatuta dago, eta hiztegiaren informazio-iturriak ere ugaritu egin dira azken urteotan. Sinonimoen kopuruari dagokionean, berriz, guztira, 25.505 forma sinonimodun biltzen ditu eskuragarri dagoen bertsioak eta, aurreko edizioan bezala, euskalki- eta erabilera-markak jasotzen ditu idazkeraren estiloa gordetzen laguntzeko.

Plugina MS Word eta LibreOffice/OpenOffice-rako dago eskuragarri, erabiltzaileen gehiengoa kontuan hartu baita:

  • Microsoft Word 2003, 2007 eta 2010
  • LibreOffice / OpenOffice (OpenOffice 3.3, LibreOffice 3.3tik aurrerakoak), bai Windows bai Linux sistema eragileetarako.

Dokumentu bat idazten ari garenean, botoi laguntzailearekin hitzaren gainean klik egin eta sinonimoa eskuratzeko aukera dugunez, errazago joko dugu sinonimoaren bila, beste inora bila joaten ibili gabe. Klik batean hiztegia aberasteko aukera ematen digu plugin-ak.

Formaren sinonimoa lortzen dugu, ez hiztegi-sarrera bera. Alegia, “bukatu”ren sinonimoa bilatzen badugu, baina testuan “bukatzeko” idatzi badugu, bueltatuko diguna, besteak beste, “amaitzeko” izango da, ez “amaitu” hutsa. Beraz, nahi dugun hitzaren gainean sinonimoa eskatu eta ordezteko esanda, idazten jarrai dezakegu, programak hitzaren analisia egiten baitu, bai eta sinonimoaren sorkuntza ere.

http://www.kultura.ejgv.euskadi.net/r46-17894/eu/contenidos/informacion/euskarazko_softwarea/eu_9567/plugin.html


Albiste erlazionatuak

KSI TEK programak hartu dio txanda KSI berritzaile programari: kultura eta sormen industrien digitalizazioa bultzatzeko diru-laguntzak izango dira

2021/03/10

Martxoaren 1etik apirilaren 30era bitartean eskabideak aurkezteko epea zabalik dago Sektorearen lehiakortasuna hobetzea eta produktu zein zerbitzu-berritzaileak garatzeko espazio berriak sortzea da helburua

Gipuzkoan Euskararen eragin ekonomikoa handitzeko lan-saioa egingo du Langunek Euskalgintzako eragileekin batera

2021/02/22

Gipuzkoan Euskararen eragin ekonomikoa handitzeko aurrera begirako lan-lerroen proposamena landuko du Langunek Euskalgintzako eragileekin batera. Data: Martxoak 18 Lekua: Tabakalera Ordua: 09:00etan

Euskarabildua jardunaldiak datuen zaintza eta pandemiak eragindako egoeran teknologia burujabetzak egin ditzakeen ekarpenak izango ditu hizpide

2020/10/27

Urriaren 29an izango da Donostiako San Telmo Museotik eta online bidez jarraitu ahalko da azkenean. “Datuen izurria. Zer ari da gertatzen gure pribatutasunarekin pandemia garaian?” da aurtengo edizioaren izenburua. Bere momentuan modu presentzialean burutzeko intentzioa bazegoen ere egoerak eraman du aldaketara. Jardunaldia bere osotasunean eskaintzeko helburuarekin, izena eman dutenei egunean bertan banatuko zen karpeta eta jardunaldiaren material osagarria etxean jasotzeko aukera emango zaie eta material honetan egongo dira ikusgai laguntzaileak.