KSI BERRITZAILE programa

2017/10/02

Eusko Jaurlaritzak KSI BERRITZAILE programa jarri du martxan kultur eta sormen industria sektorea bultzatzeko, zeinaren barnean dagoen baita ere hizkuntzaren industria.

Diru laguntza hauetan beronen bidez Eusko Jaurlaritzak kultur eta sormen industriaren sektorea lagundu nahi du, sektore horretako enpresa eta elkarteei lehiakorragoak izateko hainbat tresna eskuratzeko erraztasunak emanez. Kultur eta sormen industriaren barnean honako azpisektoreak hartzen ditu kontutan Eusko Jaurlaritzak:

·         Arte eszenikoak (antzerkia eta dantza)

·         Musika

·         Kultura Ondarea (museoak, artxibategiak, kulturaguneak, galeriak)

·         Hizkuntzaren industriak

·         Ikusizko arteak (pintura, eskultura, argazkigintza)

·         Eskulangintza

·         Argitalpenak eta medio inprimatuak

·         Ikus-entzunezkoak (zinema, telebista,irratia, Internet)

·         Bideojokoak

·         Eduki digitalak (aplikazioak, eduki-softwarea)

·         Diseinua (produktuena, grafikoa, barruena, urbanoa)

·         Arkitektura

·         Moda (moda-osagarriak barne)

·         Goi-gastronomia (sorkuntza eta diseinua)

·         Publizitatea eta marketina

 KSI BERRITZAILE programak honako lerrotan lagundu nahi du:

Teknologikoa: Batetik lerro teknologikoa, zeinaren bidez Vicomtech-IK4 eta Tecnalia zentro teknologikoek kultura eta sormen industriaren barruan aurreikusten diren azpisektore desberdinetako enpresa eta elkarte interesatuei  hainbat arlotako transferentzia teknologikoa egiteko aukera dagoen. Webgunean ikus dezakezuenez, aste honetan bertan bisitatu ditzakezue aipatutako zentro teknologikoak informazio zehatzagoa izateko. Workshop saioak irailaren 26an, 27an, 28an eta 29an izango dira, aipatu zentro teknologikoen egoitzatan.

Finantzarioa: Bestetik lerro finantzarioa dago. ELKARGIk hainbat aholkularitza saio antolatu ditu entitate finantzarioetan maileguak eskatu nahi dutenek ekonomi barne kontuak ahalik eta egokien presta dezaten.

Kudeaketa: Azkenik kudeaketa lerroa dago Euskaliten eskutik. Horri esker enpresa interesatuek kudeaketa aurreratuaren bidetik abia daitezke. Entitateek autodiagnostikoa, era autonomoan, egiteko aukera izango dute edota  aholkularitza presentzialaren bidez ere.

Lerro desberdinetan hautagaiak aurkezteko epea zabalik dago jada eta urriaren 20ean amaituko da. Hautatutakoek kosturik gabe jasoko dituzte adostutako zerbitzuak

Albiste erlazionatuak

KSI TEK programak hartu dio txanda KSI berritzaile programari: kultura eta sormen industrien digitalizazioa bultzatzeko diru-laguntzak izango dira

2021/03/10

Martxoaren 1etik apirilaren 30era bitartean eskabideak aurkezteko epea zabalik dago Sektorearen lehiakortasuna hobetzea eta produktu zein zerbitzu-berritzaileak garatzeko espazio berriak sortzea da helburua

Gipuzkoan Euskararen eragin ekonomikoa handitzeko lan-saioa egingo du Langunek Euskalgintzako eragileekin batera

2021/02/22

Gipuzkoan Euskararen eragin ekonomikoa handitzeko aurrera begirako lan-lerroen proposamena landuko du Langunek Euskalgintzako eragileekin batera. Data: Martxoak 18 Lekua: Tabakalera Ordua: 09:00etan

Euskarabildua jardunaldiak datuen zaintza eta pandemiak eragindako egoeran teknologia burujabetzak egin ditzakeen ekarpenak izango ditu hizpide

2020/10/27

Urriaren 29an izango da Donostiako San Telmo Museotik eta online bidez jarraitu ahalko da azkenean. “Datuen izurria. Zer ari da gertatzen gure pribatutasunarekin pandemia garaian?” da aurtengo edizioaren izenburua. Bere momentuan modu presentzialean burutzeko intentzioa bazegoen ere egoerak eraman du aldaketara. Jardunaldia bere osotasunean eskaintzeko helburuarekin, izena eman dutenei egunean bertan banatuko zen karpeta eta jardunaldiaren material osagarria etxean jasotzeko aukera emango zaie eta material honetan egongo dira ikusgai laguntzaileak.