kxo!, Elhuyarren aplikazioa smartphoneen bidez euskara ikasteko
Gaztelania, ingelesa edo frantsesa abiapuntutzat hartuta euskaraz ikasteko aplikazioa. Aplikazioaren edukia Moblang europar ikerketa-proiektuaren ondorioetatik hartua da (Moblang Basic Language Courses by Moblang Project).
Elhuyarrek euskara ikasteko smartphoneetarako aplikazio bat garatu du, eta gaur goizean aurkeztu du Koldo Mitxelena Kulturgunean, Donostian. kxo! Ikasi euskara / Aprende euskera / Learn Basque / Apprenez le basque euskarazko oinarrizko hiztegia ikasteko aplikazio bat da, eta haren bidez gaztelania, ingelesa edo frantsesa abiapuntutzat hartuta euskara ikasi ahalko du erabiltzaileak.
Aplikazio honek euskararako lehen hurbiltze bat izan nahi du, eta haren helburua da euskaraz ezer ez dakienari edo euskara apur bat baino ez dakienari ohiko egoeretan euskaraz komunikatzeko tresnak eskaintzea. Horretarako, entzuteko ariketak, mintzatzeko ariketak eta irakurri eta idazteko ariketak erabiltzen ditu.
kxo! Aplikazioarekin, erabiltzaileak euskaraz azkar eta erraz ikasi ahalko du bere smartphonean (Android edo iPhone plataformetan). Egokia da euskara ikasten ari den edonorentzat, Euskal Herria bisitatzen duten turistentzat edo kanpoko ikasleentzat.
Albiste erlazionatuak
Euskara bezalako baliabide urriko hizkuntzetan adimen artifiziala hobetzeko estrategia eskaini du HiTZ Zentroak
2026/09/23Julen Etxanizen ikertzaileak estrategia ireki bat garatu du baliabide digital gutxiko hizkuntzetara hizkuntza-ereduak egokitzeko.
LANGUNEko bazkideek Adimen Artifizialaren inguruko Euskarabildua jardunaldian parte hartuko dute
2026/09/23Jardunaldia urriaren 27an egingo da Donostiako San Telmo Museoan.
