Languages Lanean Kongresuak 500 pertsona baino gehiago bildu zituen

2024/02/28

LANGUNEk Eusko Jaurlaritzak antolatutako Languages Lanean Kongresuaren idazkaritza teknikoa kudeatu zuen.

Card image cap

Pasa den urtarrilean, LANGUNEk Eusko Jaurlaritzak antolatutako Languages Lanean Kongresuaren idazkaritza teknikoa kudeatu zuen. Bi egunetako kongresuak 500 pertsona eta 50 hizlari baino gehiago bildu zituen lan munduan hizkuntza-kudeaketak duen garrantzia eta eremu sozioekonomikoan egun garatzen diren praktika onak zabaltzeko helburuarekin. 

LANGUNEko bazkide diren TISA eta Iametza funtsezko zereginak ere egin zituzten Languages Lanean Kongresuan: TISA interpreteen eta laguntzaileen kudeaketaz arduratu zen eta, Iametzak, kongresuaren komunikazio lanak burutu zituen, webgunearen lanetatik, kongresuaren sustapenera.

Urtarrilaren 18an, Euskalduna Bilbao Jauregian, nazioarteko zein tokiko erakundeetako esperientziak ezagutzeko aukera egon zen. Arratsaldean, gai eta sektore desberdinen arabera antolatutako 8 mahai-inguruetan partekatu ziren gogoetak entzuteko aukera egon zen. LANGUNEko hainbat bazkidek Hizkuntza Industrien Elkartea Euskal Herrian ordezkatu zuten mahai-inguruetan parte-hartuz: Orai NLP, HiTZ eta Vicomtech-eko hiru ordezkarik ‘Hizkuntza teknologiak’ mahai-inguruan parte-hartu zuten; eta Emuneko beste ordezkari batek ‘Hizkuntza kudeaketarako baliabideak’ mahai-inguruan parte-hartu zuen.

Lohitzune Txarolak, LANGUNEko zuzendariak, Euskarak erronka teknologikoen aurrean dituen gaitasunei buruz hausnartu zuen Kongresuan proiektatutako ondorengo bideoan: https://www.irekia.euskadi.eus/eu/web_tv/20830-euskara-erronka-teknologikoen-aurrean

Albiste erlazionatuak

LANGUNE, aurrera begira

2024/02/28

2023a sendotze urtea izan da LANGUNErentzat. Bazkide berriak lortu ditu, lankidetza-hitzarmen bat sinatu du eta hainbat jardunaldi eta ekitaldietan parte hartu du.

Elhuyarrek Europako Parlamentuan aurkeztu du hizkuntza-teknologien eta adimen artifizialaren inguruan egiten duen lana

2024/02/27

LANGUNEko bazkideak Europako Parlamentuaren Estrasburgoko egoitzan egin duen agerraldian, Europako beste hizkuntza gutxiagotu batzuen esku jarri du bere esperientzia eta ibilbidea.

HiTZ Zentroak euskararentzako hizkuntza eredurik handiena garatu du: Latxa

2024/02/27

LANGUNEko bazkide den HiTZ zentroak garatutako lehen bertsio hau, funtsezkoa izango da publiko handiarentzat chatbots moduko tresnak eraikitzeko.