@langune Euskal Herriko Hizkuntza Industrien sektoreko Gogoeta Estrategikoaren Prozesua 2014-2017. 2013ko uztaila - 2014ko martxoa

2014/01/07

LANGUNEk gogoeta-prozesua hasi du, besteak beste, hurrengo lau urteetarako (2014-2017) lan, proiektu eta jardueren ildoak identifikatzeko asmoz, eskualdean, estatuan eta nazioartean hizkuntza-industrien sektoreko lankidetza eta lehiakortasuna bultzatu eta indartzera bideratuta

Lanaren kudeaketa- eta partaidetza-oinarriak koordinatu eta optimizatzeko, talde batzuk proposatu ditugu, eta talde horietan bazkideak diren erakundeak, bazkideak ez direnak (hizkuntza-industriaren sektorekoak) eta zuzenean gure sektorekoak ez diren beste eragile batzuk, baina prozesua beren esperientzia eta ezagutzarekin aberastuko dutenak (Beste Cluster batzuk, Innobasque, Orkestra, Herri Administrazioak) parte hartuko dute.

Egundaino gai hauetan aurreratu dugu: Barneko azterketa, balio-katea, kanpoko azterketa eta erreferentzia interesgarriak, AMIA, arrakastarako oinarrizko alderdiak, helburua/ikuspegia eta baloreak, ildo eta helburu estrategikoak, elkartearentzako negozio-eredua, aginte-koadroa, eta hurrengo lau urteetan zehar landuko ditugun proiektu estrategikoetara hurbilketa egiten aritu gara azken asteotan.

Landuko ditugun proiektu eta ekimenen helburua sektoreko erakundeak indartzea da, bost erronka estrategiko garrantzitsu hauetan oinarrituz:

  • Sektoreko erakundeen ikusgarritasuna
  • Posizionatze globala
  • Bikaintasuna eta berrikuntza
  • Tamaina/gaitasuna
  • Enpresen arteko, hainbat sektoreren arteko lankidetza, publiko-pribatua.

Erakunde guztioi ekimen handi honetan parte hartzera animatzen zaituztegu, batera abiaraziko ditugun ideien ekarpenak eginez eta proiektuak proposatuz. Horretarako, harremanetan jarri besterik ez duzue (langune@langune.com).

Albiste erlazionatuak

Euskarabildua jardunaldiak datuen zaintza eta pandemiak eragindako egoeran teknologia burujabetzak egin ditzakeen ekarpenak izango ditu hizpide

2020/10/27

Urriaren 29an izango da Donostiako San Telmo Museotik eta online bidez jarraitu ahalko da azkenean. “Datuen izurria. Zer ari da gertatzen gure pribatutasunarekin pandemia garaian?” da aurtengo edizioaren izenburua. Bere momentuan modu presentzialean burutzeko intentzioa bazegoen ere egoerak eraman du aldaketara. Jardunaldia bere osotasunean eskaintzeko helburuarekin, izena eman dutenei egunean bertan banatuko zen karpeta eta jardunaldiaren material osagarria etxean jasotzeko aukera emango zaie eta material honetan egongo dira ikusgai laguntzaileak.

Ekitaldi kulturalen hizkuntza kudeaketak Kultura Ministerioko diru laguntza lortu du

2020/10/20

Langunetik ekitaldi kulturalen hizkuntza kudeaketa hobetzeko garatzen ari den proiektuak Kultura Ministerioko modernizaziorako diru laguntza lortu du.

Lacunzak eta Mondragon Linguak KSI Berritzaile programan parte hartuko dute

2020/09/24

KSI Berritzaile programaren barruan proiektu bat aurkeztu dute Lacunzak eta Mondragon Linguak Vicomtech-ekin batera lantzeko. LANGUNEko hiru kideak, online kurtsoak hobetuko dituen sistema bat jarri nahi dute martxan.