LANGUNE Euskararen Nazioarteko Egunaren ekitaldian
Lohitzune Txarola: "Euskadiko hizkuntza industria indartsua da, eta beste hizkuntza batzuk guri begira daude”.
Aurtengo Euskararen Nazioarteko Egunaren ardatz Kultura eta Hizkuntza Politika sailak martxan duen GAITU kanpaina izan zen eta, horregatik, Tabakalerak jasotako ekitaldian hizkuntza-teknologietan aurrera egiteko eta euskara garapen teknologiko handiko Europako hizkuntzen artean jartzeko, eremu digitalean ere euskararen presentzia areagotzea beharrezkoa dela azpimarratu zen.
Lohitzune Txarolak, LANGUNEko zuzendariak, Euskadiko hizkuntza industriaren sendotasuna eta lehiakortasuna azpimarratu zituen ekitaldian: “Lengoaia Naturalaren Prozesamenduan Euskadin bost teknologia zentro ditugu oso metro gutxitan, eta Europan leku gutxi daude potentzial hori dutenak. Euskara, hizkuntza teknologien garapenean, Norvegiarraren pare dago egun, eta hau, Euskal Herriko sektoreak egindako indarrak ahalbidetu du. Sektorea indartsua da, eta beste hizkuntza batzuk guri begira daude”.
Ekitaldian LANGUNEko bazkide den Orai Teknologia NLPko Josu Aztiriak eta Igor Leturiak parte hartu zuten ere eta euskarazko adimen artifizialaren gaitasuna eta Mycroft.eus prototipoa aurkeztu zituzten.
Albiste erlazionatuak
ALIA proiektua aurkeztu da Euskadin, AAren Europako lehen azpiegitura publiko irekia eta eleanitza
2026/03/23Jardunaldia, LANGUNEk, GAIA Klusterrak eta Hitz Zentroak antolatu dute elkarlanean.
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.
bai&by Fundazioak ingelesa modu inklusiboan irakasteko proiektu pilotu berria abiatu du
2026/02/13Pilotuak 6 hilabete iraungo du eta adimen-desgaitasun maila ezberdina duten 50 ikaslek parte hartuko dute.