@langune Parisko EXPOLANGUES munduko hizkuntzen azokan erakusgai

2013/02/01

Expo Port de Versaillesen burutzen den Expolangues azokak mundu osoko hizkuntzak hartzen ditu bere baitan: aurten 80 hizkuntza bilduko dira bertan, eta 24.000 bisitari inguru espero dituzte, iazko kopuruen arabera

Europa mailako hizkuntzen azoka garrantzitsuenetakoa den Parisko Expolangues azoka otsailaren 6tik 9ra burutuko da aurten, eta han izango da euskara hizkuntza behin berriro: Etxepare Euskal Institutuak - @etxepareEU, gure hizkuntzari buruzko argibidea eta baliabide ezberdinen berri emango duen stand bat antolatu du. Azkue Fundazioa -  @AzkueFundazioa eta Langune Elkartea - @langune ere gunean egoteko eta haiek sortutako materialen eta zerbitzuen zabalkundea egiteko aukera izango dute, Institutuak luzatu dien lankidetza-gonbidapenari esker.

Izan ere, haien materialen eta zerbitzuen zabalkundea egiteaz gain, erakunde eta enpresa horietako zenbait ordezkari ere azokan izango dira, Aizpea Goenaga Etxepare Euskal Institutuko zuzendariarekin eta Mari Jose Olaziregi Euskararen Sustapenerako eta Hedapenerako zuzendariarekin bat eginez: Josune Ariztondo eta Miren Gobaran (Bizkaiko Foru Aldundia - eta Azkue Fundazioa), Fernando Alana (LANGUNE), Miren Azkarate eta Pello Salaburu (EHUko Euskara Institutua), Joseba Ossa (Bakun Itzulpen eta Argitalpen Zerbitzuak), Itziar Nogueras (Elhuyar Fundazioa) eta Elena Garcia (Eleka).

Etxepare Euskal Institutuko standera gerturatuko diren horiek gure hizkuntzari buruzko azalpen eta bitarteko ezberdinak aurkituko dituzte: liburuak, material didaktikoa, hiztegiak, euskara mundu osoan ikasteko baliabideen berri, beste hizkuntzetara itzuli diren euskarazko liburuen katalogoak edota euskaraz lehen urratsak egiteko aukera.  Badu, Bada Euskara mundu eleanitzean erakusketari buruzko argibidea ere banatuko da bertan #badubada, eta katalogoa eleaniztuna ere ikusgai izango da.

Albiste erlazionatuak

Euskarabildua jardunaldiak datuen zaintza eta pandemiak eragindako egoeran teknologia burujabetzak egin ditzakeen ekarpenak izango ditu hizpide

2020/10/27

Urriaren 29an izango da Donostiako San Telmo Museotik eta online bidez jarraitu ahalko da azkenean. “Datuen izurria. Zer ari da gertatzen gure pribatutasunarekin pandemia garaian?” da aurtengo edizioaren izenburua. Bere momentuan modu presentzialean burutzeko intentzioa bazegoen ere egoerak eraman du aldaketara. Jardunaldia bere osotasunean eskaintzeko helburuarekin, izena eman dutenei egunean bertan banatuko zen karpeta eta jardunaldiaren material osagarria etxean jasotzeko aukera emango zaie eta material honetan egongo dira ikusgai laguntzaileak.

Ekitaldi kulturalen hizkuntza kudeaketak Kultura Ministerioko diru laguntza lortu du

2020/10/20

Langunetik ekitaldi kulturalen hizkuntza kudeaketa hobetzeko garatzen ari den proiektuak Kultura Ministerioko modernizaziorako diru laguntza lortu du.

Lacunzak eta Mondragon Linguak KSI Berritzaile programan parte hartuko dute

2020/09/24

KSI Berritzaile programaren barruan proiektu bat aurkeztu dute Lacunzak eta Mondragon Linguak Vicomtech-ekin batera lantzeko. LANGUNEko hiru kideak, online kurtsoak hobetuko dituen sistema bat jarri nahi dute martxan.