LANGUNEK IKERLAN BAT EGINGO DU HIZKUNTZA INDUSTRIEN EZAUGARRI SEKTORIALAK ETA ETORKIZUNEKO ERRONKAK EZAGUTZEKO
Azterlanak hizkuntzaren industrien sektoreko enpresa, entitate eta profesionalak, eta hizkuntzarekin lotutako beste sektore batzuk barne hartuko ditu
LANGUNE, Hizkuntz Industrien Elkartea, hizkuntzen industriakoak kontsideratutako langile autonomo, enpresa eta entitateen ezaugarri sektorialak, dimentsio ekonomikoa eta etorkizuneko erronkak aztertuko dituen ikerlan bat egiten ari da, Gipuzkoako Foru Aldundiaren laguntzarekin.
Azterlan honen helburua izango da, aldi berean, euskararen eragin ekonomikoa neurtzea eta beste hizkuntza batzuekin konparatzea hainbat eremu korporatibo, kultural eta sozialetan. Horretarako, hizkuntzaren industriakoak ez diren, baina hizkuntzari hertsiki lotuak dauden beste sektoreak ere hartuko ditu kontuan, hala nola, kultura eta hedabideen industria, hezkuntza eta administrazio publikoa.
Ikerketaren buruan Siadeco Ikerketa Elkartea egongo da, inkesta baten bidez hizkuntza industrien enpresa, entitate eta profesionalen informazioa jasoko dutenak, ondoren emaitza estatistiko orokorrak kalkulatzeko erabiliko dena.
Argibide gehiago behar izanez gero, langune@langune.com helbide elektronikora idatzi dezakezu edo deitu, 944048225 telefono zenbakira.
Albiste erlazionatuak
Mugaz gaindiko komunikazio eleanitzari buruzko uda-ikastaroa
2025/04/11Komunikazio eleanitzari buruzko mugaz gaindiko udako ikastaroa izango da 2025eko uztailaren 2an Baionako Arteen Hirian.
Hizkuntza teknologien inpaktu handiko erabilera-kasuen azterketa aurkeztu du LANGUNEk
2025/04/08Euskal Herriko Unibertsitateko (UPV/EHU) Hitz Hizkuntza Teknologiako Euskal Zentroak, EMUN kooperatibarekin eta Langunerekin lankidetzan hizkuntza teknologietan inpaktu handiko erabilera-kasuak identifikatzea helburu izan duen azterketa burutu du.
