Languneko bazkide den Elhuyarrek Creative Europe Programme-ko MEDIA azpiprogramaren laguntza jaso du
Dirulaguntza azpititulu eta bikoizketa eleanitzeko sistema automatikoa garatzeko erabiliko da.
Languneko bazkidea den Elhuyar Fundazioak Europako Creative Europe Programme-ko (CREA) MEDIA azpiprogramaren dirulaguntza jaso du azpititulu eta bikoizketa eleanitzeko sistema automatikoa garatzeko. Elhuyarren Multilingtool proiektuak B2B online plataforma bat proposatzen du gaztelaniarako (+euskara, katalana eta galegoa), ingeleserako eta frantseserako azpititulu eleaniztunetarako eta bikoizketarako modulu berritzaileak integratzen dituena.
CREA azpiprogramak 46 eskaera jaso zituen eta 11 ekimen babestu ditu guztira 7.369.245,87 euroekin.
Laguntza-lerro horren bidez, CREA azpiprogramak laguntza ematen du Europako ikus-entzunezko lanen eskuragarritasuna, ikusgarritasuna eta audientzia handitzeko tresna eta negozio-eredu berritzaileak garatzeko eta/edo zabaltzeko, Europako ikus-entzunezkoen industriaren lehiakortasuna eta industriaren ekologia handitzen lagunduz.
Proiektu onuradunen hautaketak erakusten du iazko deialdiak joera positiboa izan zuela. Hautatutako 11 proiektuetatik, 9 lehen aldiz hautatu dira. 11 proiektu onuradunen koordinatzaileak Europako 6 herrialdetan ezarrita daude: Frantzian (5 proiektu), Alemanian (2), Norvegian (2). Belgikak eta Espainiak proiektu bat dute hautatua, hurrenez hurren.
Albiste erlazionatuak
Ekosistema teknologiko eta industriala Bilbon elkartu dira, adimen artifizial burujabe baterantz aurrera egiteko
2026/04/23ALIA Foroak adimen artifizialaren aukerak, azpiegitura publikoak eta horiek industrian ezartzeko ekimen estrategikoak hurbildu dizkie enpresa eta erakundeei.
ALIA proiektua aurkeztu da Euskadin, AAren Europako lehen azpiegitura publiko irekia eta eleanitza
2026/03/23Jardunaldia, LANGUNEk, GAIA Klusterrak eta Hitz Zentroak antolatu dute elkarlanean.
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.