META-NET sarea. Hurrengo Mintegia: Challenges for Multilingual Europe

Itzulpena eta Lokalizazioa
Media eta Informazio-zerbitzuak
Sistema Elkarreragileak

Hasierako partaideen artean Hizkuntz Teknologietan puntako ikerketa-talde batzuk daude, DFKI, DCU (http://www.dcu.ie/) eta FBK besteak beste.

Dokumentu interesgarriak sortzen hasita daude (adib. A Risk for our Languages – A Challenge for Language Technology) eta mintegi azpimarragarriak antolatzen dituzte.

Hurrengo mintegia Bruselan izango da  azaroaren 17 eta 18an. Gaia ezin-interesgarriagoa (Aukerak Europa Eleaniztunean) eta hitzaldien artean gai asko: industria audiobisuala,  ikerketa-agenda estrategikoa,  Patenteak eta Hizkuntz Teknologiak (HTak), Itzulpen automatikoa, Indiako egoera...)

Aurreko mintegi batean Languneko kide batzuk egon ginen: Eleka, UPV/EHUko Ixa taldea eta VicomTech. Hitzaldi interesgarriak egon ziren, batez ere itzulpen automatikoaren inguruan, bideoz grabatuta daudenak eta bat hautatzekotan hau begiratzea proposatzen dizuet: Asia Online Technology Platform Overview & Vision.

Laburbilduz, META-NET erreferentzia bat da Langunen I+G+b aritzen garenontzat eta antolatzen dituzten aktibitateak gertutik jarraitu behar ditugu.

Iñaki Alegria (Ixa taldea)