UZEI: Euskararentzat garatutako softwarea darabilen LibreOffice-rako lehen zuzentzailea

2016/06/24

Hobelex, euskarazko zuzentzaile eguneratua; software libreko testu-editore erabilienean: Linux, Windows edota MacOSX erabiltzen duen oronen eskura


2014ko urrian Hobelex, euskararako lehen lexiko-zuzentzailea, plazaratu zuenean hitzeman zuen UZEIk LibreOffice-rako bertsioa ere garatuko zuela. Orain aurkeztu berri duen LibreOffice-rako plugina egitea lan luzea izan da, beraz. Bertsio berri hau errazago garatzeko har zitzakeen lasterbide batzuk baztertu, eta HOBELEXen zuzentasunari lehentasuna ematea erabakia zuen UZEIk hasiera-hasieratik.

Horregatik, hain zuzen ere, UZEIk ez du erabili Hunspell motor ezaguna, jatorrian hungarierarentzat garatu zena, eta zenbait zuzentzailek, euskararako ere bai, erabiltzen dutena. Izan ere, euskara ez bada hungariera, zergatik ez erabili euskararentzat berariaz sortutako motorra, hungarierarentzat sortutakoaren ordez? Horrela, berariaz euskararentzat sortutako softwarea erabiltzen duen LibreOffice-ko lehen zuzentzailea da Hobelex berria.

Labur esateko, gaur arte LibreOffice-k , euskararentzat mugak dituen Hunspell motorra zekarren lehenetsia. Hemendik aurrera euLEMArekin erabili ahal izango da, horixe baita UZEIk garatutako tresna. Eta erabiltzaileak nabarituko ditu ondorioak: ortografia eta lexikoa zuzentzeko proposamen zehatzagoak eta pertinenteagoak egiten baititu. Erabiltzaileak, beraz, ez ditu alferrikako aukerak banan-banan baztertu beharko zuzenketa egokia aukeratu (eta, zenbaitetan, asmatu) ahal izateko. Azkarrago zuzentzen lagunduko dio horrek, Hobelex argia, zehatza eta egokia baita.

Hobelex, gainera, etengabe eguneratua egongo da. Esaterako, Euskaltzaindiak aurten Hiztegi Batuan arautu dituen 1.353 forma berriekin eguneratua dago LibreOffice-rako bertsioa, Windows Office eta online bertsioak bezala.

Helbide honetan eskura daiteke doan LibreOffice 5erako zuzentzailea: http://www.hobelex.eus

Albiste erlazionatuak

LANGUNEk lankidetza-hitzarmena sinatu du ANETI Itzulpen eta Interpretazio Enpresen Elkarte Nazionalarekin

2023/03/09

Arancha Caballero: "Dagoeneko proiektu ezberdinak ikusten ditugu non ANETIko bazkideek lagundu dezaketen".

Natural Vox, LANGUNEKO bazkide berria

2023/02/23

Ahots- eta komunikazio-soluzioak eskaintzen dituen enpresa LANGUNEKO kide bihurtu berri da.

LANGUNEko bazkide den UZEIk, Eusko Jaurlaritzarekin batera, arkitekturaren esparruko terminoen hiztegia plazaratu du

2023/02/02

Erreferentziazko lineako tresna bat da, ia 5.100 termino dituen hiztegi elebidun adostu, zabal eta eguneratua.