GAIArekin bat egitea onartu du LANGUNEk bere Ohiko Batzar Nagusian
2022ko Batzar Nagusia gauzatu zuen ostiralean, ekainaren 17an, bazkide duen Vircomtech-en egoitzan.
LANGUNEk Hizkuntza Industrien Elkartea Euskal Herrian, 2022ko Batzar Nagusia gauzatu zuen ostiralean, ekainaren 17an, bazkide duen Vicomtech-en egoitzan, Gipuzkoako Zientzia eta Teknologia Parkean.
Bazkideek batzarrean onartu egin zuten irailetik aurrera definituko den LANGUNEren eta GAIAren arteko bateratze prozesua. Horixe izango da hain zuzen ere, hurrengo urteei begira LANGUNEk izango duen egitasmo garrantzitsuena. Hizkuntza Industrien sektoreko elkarte askok GAIAren baitan lekua dutela ikusita, eta horiek klusterrari eskaini ahal dioten guztia kontuan hartuta, bi elkarteek bateratze prozesua aberasgarria izango dela aurreikusten dute.
Horrekin batera, bazkideek 2021eko itxiera ontzat eman zuten eta 2022ko aurrekontua onartu zuten. Era berean, zazpi urte aldaketa gabe egon ondoren, Zuzendaritza Batzordea berritu zuten. Mondragon Linguako Joseba Bartolomeren ordez, Iametzako Eli Pombo izango da aurrerantzean LANGUNEko lehendakaria. Diruzain zereginetan UZEIko Imanol Urbietak jarraituko du eta idazkari lanetan Maramara* elkarteko Ritxi Lizartzak.
Albiste erlazionatuak
Langunek aurrera begirako lan-lerroak aurkeztu ditu Gaia-ko Batzak Orokorrean
2023/06/12Pasa den ekainaren 1ean GAIA Euskadiko Teknologia Elektronikoen eta Informazioaren Industrien Elkarteak 40. urteurrena ospatu zuen eta egun berean, urteko Batzar Orokorra egin zuen. Bertan bildu ziren enpresa bazkideetako ordezkariak eta GAIAk gaur egun bere barnean biltzen dituen bestelako elkarteetako partaideak, horien artean LANGUNE.
bai&by, LANGUNEko bazkide berria
2023/05/09Euskara eta ingelesa ikasteko merkatuan dagoen sistema adimendun bakarra.
EMUNen ikerketa: 'Euskara planak lehiakortasunerako palanka ote dira?'
2023/05/08LANGUNEko bazkide den EMUNek iaz abiatu zuen ikerketaren helburua euskara planak enpresaren lehiakortasunean dauzkan onurak areagotzeko aukerak esperimentatzea da.