Euskarabildua jardunaldietan zuzeneko euskarazko azpititulazioa txertatu zen
Aurten, berrikuntza gisa, zenbait hitzalditan zuzeneko euskarazko azpititulazioa aplikatu zen.
Languneko bazkide den Iametzak, Argia eta Ametzagaiñarekin elkarlanean urtero antolatzen dituzten Euskarabildua teknologia jardunaldiak egin ziren Donostiako San Telmo museoan urriaren 27an. Aurten berrikuntza gisa, zenbait hitzalditan zuzeneko euskarazko azpititulazioa aplikatu zen. Languneren baitan hizkuntza teknologiak lantzen dituzten hainbat zentro teknologiko daude: Vicomtech, EHUko HiTZ zentroa eta Orai. Zehazki azken hori izan da Euskarabildua jardunaldietan euskarazko zenbait hitzaldi euskaraz azpititulatu ahal izateko beharrezko teknologia aplikatu duena. Zuzeneko azpitituluen txertatze hau ekarpen interesgarria izan da jardunaldien antolatzaileentzat, edukia momentuan edozein pertsonarentzat irisgarria egiten baita, ezintasunen bat duten hartzaileei begira ere edukia atzigarri bihurtuz.
Ikusi Euskarabildua jardunaldian Orairen teknologiak egindako zuzeneko azpititulazioa: https://www.youtube.com/watch?v=oRPOVY6MVhM
Albiste erlazionatuak
ALIA proiektua aurkeztu da Euskadin, AAren Europako lehen azpiegitura publiko irekia eta eleanitza
2026/03/23Jardunaldia, LANGUNEk, GAIA Klusterrak eta Hitz Zentroak antolatu dute elkarlanean.
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.
bai&by Fundazioak ingelesa modu inklusiboan irakasteko proiektu pilotu berria abiatu du
2026/02/13Pilotuak 6 hilabete iraungo du eta adimen-desgaitasun maila ezberdina duten 50 ikaslek parte hartuko dute.