2022a, aldaketa urtea LANGUNErentzat
2019 urteaz geroztik indartzeko egindako aurrerapausoek bere fruituak eman ditu.
Urtean zehar garatu ditugun ekimenei esker, gero eta gehiagok ezagutzen dute gure elkartea. Ez Administrazioak soilik, enpresa pribatuek ere eleaniztasunaren kudeaketa egoki baten garrantziaren kontzientzia hartzen ari dira.
2022a aldaketa urtea izan da Langune Hizkuntz Industrien Elkartearentzat zenbait arlotan. Esanguratsuena GAIArekin bateratzeko proiektua izan da, hizkuntza industriari eskaini ahal dizkiogun aukerak mahai gaineratzea eta sektorea ikusgarriagoa egiteko helburuarekin.
Aurten ere, Hizkuntzaren ekonomia berriaren PERTEaren urtea izan da. Estatu mailan dagoen elkarte bakarra izanik, hizkuntza industrien erreferente gisa kokatu nahi dugu bertan LANGUNE. PERTEaren azterketak aurten Alacantera ere eraman gaitu, eta gaiari buruzko iritzi artikulu bat idatzi genuen Berrian argitaratu zena.
LANGUNE osatzen duten enpresek 10 urte daramatzate elkarlanean lan egiten. Lehiakortasun sozio-ekonomiko horren barruan bat egiteko aukera ematen diegu industriako kideei, sektorearen kohesioa eta kooperazioa sustatuz. Lankidetza honen adibide dugu Kultur Ekitaldien Eleaniztasunerako Zerbitzuaren prototipoa (KEEZ); AskHezi egitasmoa; edo Euskalgintzan kontziliazio erantzunkidearen azterlana besteak beste.
2019 urteaz geroztik indartzeko egindako aurrerapausoek bere fruituak eman ditu eta LANGUNE sendotu baten aurrean gaude 2023ari aurre egiteko!
Albiste erlazionatuak
INDEUSen urteko lehen bileran parte hartu du LANGUNEk
2026/02/27Jon Ansoleaga, Spriko zuzendari nagusiak, egin die harrera bertaratu diren plataformako kideei, euskararekiko eta INDEUSekiko duten konpromiso eta atxikimendua eskertuz.
bai&by Fundazioak ingelesa modu inklusiboan irakasteko proiektu pilotu berria abiatu du
2026/02/13Pilotuak 6 hilabete iraungo du eta adimen-desgaitasun maila ezberdina duten 50 ikaslek parte hartuko dute.
Aldundiak Hitz Zentroaren eta Euskorporaren esku jarriko ditu bere testu eta eduki corpusak
2026/02/02Helburua da euskara adimen artifizialeko teknologietan integratzea.