Elhuyar Fundazioa eta Gipuzkoako Aldundiaren arteko hitzarmena hizkuntzen industriarako ikerketa-gunea sortzea aztertzeko

2011/04/20

Elhuyar Fundazioak eta Gipuzkoako Foru Aldundiak hitzarmena sinatu dute hizkuntzen industriarako ikerketa-gune bat sortzeko bideragarritasuna aztertuko duen proiektu batean lankidetzan aritzeko.

Krisiaren aurkako planak 150.000 euroko ekarpena egingo dio proiektuari

Languneko kide den Elhuyar Fundazioak 1972tik dihardu zientzia eta teknologia euskaraz hedatzen. Bere presidente Jose Maria Rodriguezek sinatu du hitzarmena Gipuzkoako Ahaldun Nagusi Markel Olanorekin. Hitzarmen honek jasotzen du aipatutako azterketa egitea eta hizkuntzen tratamendurako teknologietan ikerketa eta garapena bultzatzea. Akordio honen bidez Krisiaren Aurkako 2011ko Planak 150.000 euroko ekarpena egingo du.

Elhuyar Fundazioaren proiektuak ezaugarri nagusi hauek izango ditu:

  • Hizkuntzen industriarako ikerketa-gunea sortzeko bideragarritasunaren analisia egitea.
  • Gizartearen beharretan oinarritutako baliabide linguistiko aurreratuak garatzeko hausnarketa eta analisia egitea, hizkuntzen industriaren sektorea indartzen lagunduko dutenak.
  • Informazioaren eta komunikazioaren teknologiak gizartean txerta daitezen bultzatzea, eta, bereziki, hizkuntzaren tratamendurako baliabide informatikoen alorrean ikerketa, garapena eta berrikuntza teknologikoa egitea eta sustatzea.
  • Elhuyar Fundazioak, jakintza zientifikoari eta euskararen normalkuntzaren sustapenari buruzko gaietan, Gipuzkoako gizartearekin eta euskal gizartearekin duen konpromisoa indartzeko eta hobetzeko azterketa kritikoa egitea.

Markel Olano diputatu nagusiak Gipuzkoarentzat proiektu estrategikoa dela azpimarratu du:

"Herrigintzako ekimen bat da, giltzarria gure nortasunaren garapenerak. Izan ere, euskararen sustapena, hizkuntzaren ikerkuntza eta berrikuntza biltzen ditu, baita nahitaezko internalizazioa ere."

Prentsa oharra:

Albiste erlazionatuak

Gipuzkoako barne-produktu gordinaren % 5,34 dago euskararekin lotuta, eta EAEko % 4,59

2020/03/16

Sektore produktibo gisa euskarak termino ekonomikoetan duen balioa kuantifikatu du Langunek, lurraldeko ekonomian zer pisu duen jakiteko. Gipuzkoan euskarak duen eragin ekonomikoa eta hizkuntzen industriak EAEn duen egoera aztertu dituen txostenaren emaitzak ezagutzera eman dituzte Foru Aldundiko Etorkizuna Eraikiz gunean, lurraldeko Euskararen Foroak legealdi honetan egindako lehen bilkura probestuz. 2020/02/13 da benetako argitaratzen data

Mintegia (abenduak 10): Hizkuntza teknologien aplikazioa RIS3an

2019/12/02

Tokia: Innobasque (Bizkaiko Parke Teknologikoa, Laida Bidea 203. Eguna: Abenduak 10 (goiza). Antolatzailea: Langune.

Hizkuntza Naturalaren Espainiako Elkartearen Nazioarteko XXXV. Biltzarra

2019/07/15

Irailaren 24tik 27ra bitartean, Hizkuntza Naturalaren Espainiako Elkartearen Nazioarteko XXXV. Biltzarra egingo da. Euskal Herriko Unibertsitateko Aholab eta Ixa ikerketa-taldeek antolatuta, Bilboko Bizkaia Aretoan izango da.