Hizkuntzen Industriari buruzko webgunea egin du Europako Batzordeak
Europar Batasuneko hizkuntzen industriari buruzko datuak biltzeko eta trukatzeko webgunea sortu du Europako Batzordearen Itzulpenerako Zuzendaritzak.
Itzulpenerako Zuzendaritzak ikerketa bat argitaratu zuen 2009an, Europar Batasunean sektoreak duen tamainari buruz. Ikerlan horrek erakutsi zuen ez dagoela Europar Batasunean sektorearekiko datuak jasotzerik; eta krisiaren aurrean sendotasuna eta hazteko gaitasuna (urtero %10) izan arren, sektorea ikusgaitza gertatzen dela eta, ondorioz, lagungarria litzakeela datu-base komun bat datu kualitatibo zein kuantitatiboz osatua.
Horretara, tresna interkatibo honetan datuak sartzeko deialdia egin diete hizkuntzen industrian diharduten enpresei, elkarteei eta pertsonei, eta baita estatistika-institutu ofizialei.
Hizkuntzen Industriaren azpisektore hauek hartzen ditu:
- Itzulpena
- Interpretazioa
- Azpititulazioa eta bikoizketa
- Softwarearen lokalizazioa eta webguneen globalizazioa
- Hizkuntza-teknologiako tresnen garapena
- Konferentzia eleaniztunen antolaketa
- Hizkuntzen irakaskuntza
- Hizkuntza-aholkularitza
Iturria: Andoni Sagarna
Albiste erlazionatuak
Mugaz gaindiko komunikazio eleanitzari buruzko uda-ikastaroa
2025/04/11Komunikazio eleanitzari buruzko mugaz gaindiko udako ikastaroa izango da 2025eko uztailaren 2an Baionako Arteen Hirian.
Hizkuntza teknologien inpaktu handiko erabilera-kasuen azterketa aurkeztu du LANGUNEk
2025/04/08Euskal Herriko Unibertsitateko (UPV/EHU) Hitz Hizkuntza Teknologiako Euskal Zentroak, EMUN kooperatibarekin eta Langunerekin lankidetzan hizkuntza teknologietan inpaktu handiko erabilera-kasuak identifikatzea helburu izan duen azterketa burutu du.
