Mondragon Lingua AEB-etara hedatu da, beste filial bat ireki baitu Washington d.c.-n, Mondragon Lingua USA, Inc.

2012/09/17

HAMISI AMANI-DOVE, komunikazio korporatiboko proiektuak komertzializatzen eskarmentu handia duen profesional estatubatuarra izango da hura zuzentzeko arduraduna.

COMUNICACIÓN MULTILINGUE enpresa madrildarra 2011n erosi ostean, MondragonLingua aurrera doa itzulpen & komunikazio negozioaren Garapen Estrategikoko Plana gauzatzen, eta nazioartekotzeko prozesu bati heldu dio, komunikazio eta itzulpen munduan duen ezagutza eta esperientzia merkatu amerikarrera eramateko.

Alde geografiko horretan ezartzeak arrazoi hauek izan ditu:

  1. AEBetan itzulpen munduan hazteko aukera handiak ikusten dira.
  2. Zonaldean bezero esanguratsuen oinarri bat du: Munduko Bankua, Nazio Batuak, Nazioarteko Moneta Funtsa eta IBM, besteak beste. Filial hau irekita bezero horiekiko harremanean sakondu nahi da eta salmentak goratu.
  3. AEBko Ekialdean eta zehazkiago Washington DC eta New York-en erakunde eta enpresa ugari daude: gobernu administrazioa, nazioarteko erakundeak, industria farmazeutikoa, IT, eta abar, eta eremu horietan MondragonLinguak esperientzia sendoa du itzulpen eta komunikazio eleaniztuneko zerbitzuak ematen.

Erronka horri heltzeko, MONDRAGON LINGUAk berekin du  Hamisi Amani-Dove, eta honek merkatu amerikarrean duen esperientzia jarriko du MondragonLinguaren proiektu ilusionagarri honetan, eta Business Development Manager USA postua izango du.
Idatzi honetatik bertatik zorterik onena opa diogu Hamisi-ri erronkari aurre egiteko, eta jokalari olinpiko ohia nola baiten (Atlanta 1996), ziur gaude “partida on bat jokatuko duela”.

LINK: http://www.mondragonlingua.com/eu/noticias/mondragon-lingua-expande-eeuu-con-apertura-una-nueva-filial-washington-mondragon-lingua-usa-inc

Albiste erlazionatuak

LANGUNE BDCC Ostegunetan

2023/11/15

Euskadiko Kultura eta Sormen Industrietan (KSI) euskarazko hizkuntza-teknologiak ezartzeari buruz hitz egingo da eta LANGUNEKo hainbat bazkidek parte hartuko dute.

ELAYk hizkuntza kudeaketan izandako esperientzia azaldu zuen LANGUNEren Batzar Orokorrean

2023/10/25

Elay Groupeko Imanol Iparragirrek hizkuntza kudeaketaren inguruko hitzaldia eskaini zien bazkideei.

ASKHEZI proiektuak bi diru-laguntza jaso ditu

2023/10/25

Ezgaitasunak dituzten ikasleek ahots diktaketako zuzenketak ahotsez egin ahal izateko erabiliko dira.