Umap, Twitterreko euskarazko jardunaren batzailea

Umap Twitterretik mezuak jaso eta prozesatzeko produktu bat da. Produktuaren lehen webgunea euskarazko instantzia hau da, eu.umap.eu baina etorriko dira gehiago, CodeSyntaxetik iragarri dutenez.

Argazkiak.org | Umap euskaraz, Ipad batetik ikusia © cc-by-sa: sustatu

Umap-en lehen bertsioa da hau. Funtzio berriak gehituko zaizkio hurrengo asteetan Umap-i. Funtsean, zenbait prozesu automatiko dabiltza martxan aplikazio honetan:

1. Twitterreko erabiltzaile euskaldunak detektatzeko metodo bat.
2. Erabiltzaile horien tuit edo mezu guztiak denbora errealean jaso, eta horietan euskarazkoak diskriminatzeko sistema.
3. Jasotako mezuetan, termino eta gako/trend esanguratsuenak konputatzeko metodoa.

Funtzionalitateak

• Trend edo gakoen jarraipen bizia, hamar minutuero egiten da kalkulua. Azkenekoak, ordu gutxi batzuetakoak konputatuz; gero, azken 24 orduak, azken astea eta azken 30 egunetako gakoak zenbatzen ditu.
• Artxibo batean, egun bakoitzeko 24 orduetan gehien errepikatutakoak gordetzen ditu.
• Umap bertatik parte hartu daiteke elkarrizketan: egin login zure Twitter erabiltzailearekin, eta retweet-ak zein erantzunak bidali ahal izango dituzu.
• Erabiltzaile bakoitzaren tuit edo mezuen estatistikak, euskara zenbat erabiltzen duen bakoitzak, bereziki.

Iturria: Luistxo Fernandez, Codesyntax